Humarpasta

Humarsoð:

• Skeljar af 1 kg af humri

• 2 stönglar sellerí

• 1 laukur

• 4 rif hvítlaukur

• 1 tsk fennel fræ(kramin)

• 1 tsk timjan

• 1 lítil dós tómat paste

• 50 ml hvítvínsedik blandað í 300 ml vatn eða 400 ml hvítvín

• 400 ml vatn

Humarsósan:

• 2 msk smjör

• 2 msk hveiti

• 1/2 líter rjómi

• Hvítvín eða hvítvínsedik eftir smekk.

• Salt

• Pipar

500 gr spagettí

500 gr skelflettur humar

Aðferð:

Humarsoð: Sellerístönglarnir, hvítlaukurinn og laukurinn skorinn smátt, steikt upp úr ólífuolíu. Humarskeljunum, kryddinu, tómatpaste, hvítvíninu og vatninu bætt saman við. Látið sjóða í 40-50 mínútur á vægum hita, þar til það hefur soðið niður til hálfs. Sigtið blönduna frá og setjið í pott.

Humarsósa: Útbúið smjörbollu, bræðið smjörið og bætið hveitinu smátt og smátt saman við með þeytara. Setjið út í humarsoðið, magn eftir því hversu þykk sósan á að vera. Sjóðið sósuna með rjómanum í 10 mínútur og bætið svo hvítvíni, pipar og salti út í eftir smekk. Sjóðið humarinn í sósunni í 2-3 mínútur og blandið því næst við spagettíið. Berið fram með parmesan, steinselju og brauðbollum eða súrdeigsbrauði.

• 

• 

• 

• 

• 

•