Sítrónufiskur með kartöflumús og pistasíupestó

Fiskur

• 500-600 gr þorskur eða ýsa

• 1 sítróna (sítrónubörkur rifinn)

• 2 dl panko rasp

• 1 egg

• 50 gr smjör

• Salt

• Pipar

• 
  

Kartöflumús

• ½ kg kartöflur

• 1 ½ dl mjólk

• 40 gr smjör

• Salt

• Pipar

Pistasíupestó

• Búnt af basil

• 1 dl fínrifinn parmesan ostur

• ½ hvítlauksrif

• 3 msk ristaðar pistasíuhnetur

• ½ dl ólífuolía

Aðferð:

Pestó - Búnt af basil, parmesan, hvítlauksrif, pistasíuhnetur og ólífuolía sett saman í matvinnsluvél og blandað vel saman.

Kartöflumús - kartöflurnar flysjaðar og soðnar í ca 20 mínútur, stappaðar og hrært saman við brætt smjör og heita mjólk yfir smá hita í potti þar til orðin mjúk kartöflustappa. Saltað og piprað eftir smekk.

Fiskur - Panko og rifnum sítrónuberki af einni sítrónu, salt og pipar blandað saman í skál. Fiskur skorinn í hæfilega bita, velt upp úr hrærðu eggi og því næst raspinum. Steikt á pönnu upp úr ca 50 gr af smjöri.

Borið fram með sítrónubátum, kartöflumús og pistasíupestóinu.