Pitsa með tómötum og burrata osti

Pitsadeig(2 pitsur)

• 280 gr hveiti(4 1/2 dl)

• 1 tsk salt

• 1 tsk sykur

• 2 tsk þurrger

• 2 dl volgt vatn

• 1 1/2 msk olía

Álegg:

• 1/2 krukka grænt pestó eða heimagert

• 2-3 heirloom tómatar

• 2 hvítlauksrif

• ólífuolía

• salt

• 2-3 burrata ostakúlur

• Búnt basil

• Balsamik edik gljái

Aðferð:

Blandið gerinu út í volgt vatn ásamt olíunni og leyfið að bubbla. Hveiti, salti og sykri blandað saman í skál, hnoðað saman með gerblöndunni. Leyft að lyfta sér í ca 40-50 mínútur. Deiginu skipt í tvennt og flatt út.

Heirloom tómatarnir skornir smátt og settir í skál ásamt ólífuolíu, rifnum hvítlauksrifjum og salti.

Pestó dreift á pitsuna og bakað á bökunarpappír á bökunarplötu við 240°C í ca 10-15 mínútur.

Eftir að pitsan er bökuð er tómatablöndunni dreift yfir pitsuna, því næst burrata ostinum, basil og balsamik gljáa dreift yfir.

• 

• 

• 

•