Pad Thai núðlur með kjúkling

• 600 gr úrbeinuð kjúklingalæri

• 1/2 pakki hrísgrjónanúðlur (200 gr)

• 1 rauð paprika

• 3-4 hvítlauksrif

• 1-2 msk ólífuolía

• 2 egg

• 3-5 stk af pak choi salati (blaðkál)

• 100 gr salthnetur

Sósan:

• 3 msk fiskisósa

• 1 msk sojasósa

• 2 msk hrísgrjónaedik

• 1 msk siriacha sósa

• 2 msk púðursykur eða hunang

• 1 msk hnetusmjör

Skraut:

• 2-3 vorlaukar

• 50 gr salthnetur

• 1 búnt kóríander

• 1-2 límónur

Aðferð:

Sjóðið hrísgrjónanúðlurnar eftir leiðbeiningum og skolið með köldu vatni. Blandið öllum hráefnunum í sósuna saman í skál og setjið til hliðar. Skerið kjúklinginn í litla bita og steikið upp úr ólífuolíu á pönnu ásamt fínt rifnum hvítlauk og smátt skorinni papriku. Þegar kjúklingurinn er eldaður í gegn er eggjunum hrært saman og steikt með á pönnunni. Þegar eggin eru elduð er sósunni, núðlunum, salthnetunum og pak choi salatinu blandað út á pönnuna. Allt saman borið fram með smátt skornum vorlauk, salthnetum, kóríander og límónubátum.