Grillað salat með risarækjum

• 1 poki risarækjur

• 1 haus romaine kál

• 1 avocado

• 1 gúrka

• 2 maís kólfar(eða 4 litlir)

• 1 box kokteiltómatar eða piccolotómatar

• 1 paprika(rauð eða gul)

Marinering fyrir rækjurnar:

• 1 búnt steinselja

• 3-4 hvítlauksrif

• 1 sítróna(sítrónubörkur)

• 2 msk ólífuolía

• 1 tsk salt

  
  

  Dressing:

• 1 msk sinnep(dijon eða gróft)

• 1 msk rice wine vinegar

• 1 msk sítrónusafi

• 1 tsk hunang

• 1 dl ólífuolía

  
  

• Muldar wasabihnetur yfir salatið

Aðferð:

Saxið niður hvítlauksrifin, saxið búnt af steinselju smátt, og rífið börkinn af einni sítrónu og bætið út í ólífuolíu og salti, látið rækjurnar liggja í leginum í ca 10-15 mínútur.

Dressingin - hrærið saman sinnepi, rice wine vinegar, sítrónusafa og hunangi og bætið því næst ólífuolíunni smátt og smátt saman við og hrærið vel.

Skerið avocado, tómatana og gúrkuna í litla bita leggið til hliðar. Skerið romaine kálið endilangt og hafið endann á, penslið með olíu og salti.

Rækjurnar þræddar upp á grillspjót.

Maís kólfar sem eru tilbúnir á grillið þurfa skemmri tíma eða ferskur maís. Grill maís þarf ca 10-15 mínútur á grillinu.

Hitið grillið og grillið fyrst maísinn(lengstur tími), því næst er paprikan grilluð heil 2-3 mínútur eftir því hvort þið viljið hafa hana smá brennda. Romaine kálið grillað í ca 2-3 mínútur á hverri hlið. Síðast eru rækjurnar grillaðar þurfa ca 2-3 mín á hverri hlið eða þar til þær eru orðnar bleikar.

Endinn á romaine kálinu skorinn af og salatið skorið eða rifið niður í litla bita. Paprikan skorin í litla bita. Maísinn skorinn af stönglunum. Rækjurnar teknar af spjótunum. Öllu raðað í skál eða á stóran disk, ásamt tómötunum, avocado og gúrkunni. Dressingunni hellt yfir og muldar wasabihnetur þar næst.

• 

• 

• 

• 

• 

• 

• 

• 

•