Saltfiskkrókettur

• 400 gr saltfiskur

• 200 gr kartöflur

• 5 stk hvítlauksgeirar

• 1 stk rauðlaukur

• ólífuolía

• 2 dl rjómi

• 1 msk hveiti

• 1 msk smjör

• 3 msk kóríander

• 1/2 tsk múskat

• 1/2 tsk paprikukrydd

• 1 tsk timian

• salt og pipar

• Hjúpurinn: hveiti, hrært egg og brauðrasp(panko)

Sósur með:

Tómatsósa - Maukaðir tómatar hitaðir

Köld sósa

• 2 msk sýrður rjómi

• 2 msk japanskt mayo

• 1/2 tsk gróft sinnep

• 1 tsk súrar gúrkur

• 2 tsk sítrónusafi

• salt og pipar

Aðferð:

Skrælið kartöflurnar og sjóðið í potti í ca 20 mín og stappið. Sjóðið saltfiskinn í ca 10 mín. Saxið hvítlaukinn og rauðlaukinn smátt eða hakkið hann í matvinnsluvél, steikið/mýkið á pönnu í ólífuolíu við vægan hita í 10-15 mín. Hellið rjómanum yfir og sjóðið við vægan hita. Útbúið smjörbollu, smjör og hveiti brætt og hrært saman í potti og því næst hellt út á laukrjómasósuna, látið malla við vægan hita þar til sósan þykknar. Fínsaxið kóríanderinn. Setjið saman í hrærivélaskál, maukaðar kartöflur, saltfiskinn, sósuna, kóríander og öll kryddin. Hrærið öllu vel saman. Myndið því næst bollur og veltið fyrst upp úr hveiti, næst eggi og svo panko.

Eldað í airfryer í 16-18 mínútur eða djúpsteikt í olíu í 3 mínútur á hverri hlið eða þar til gullinbrún skorpa myndast.

Borið fram með heitri tómatsósu og kaldri sósu.