Pestósnúðar

• 4 1/2 tsk ger(einn pakki þurrger)

• 1 dl olía/eða brætt smjör

• 5 dl volg mjólk

• 2 msk sykur

• 1 tsk salt

• 15 dl hveiti(3 dl seinna)

  
  

  Fylling:

• 1 krukka grænt pestó eða heimagert pestó

• 100-200 gr rifinn ostur

• Heimagert pestó:

  • 150 gr parmesan

  • 1 stórt búnt basil

  • 100 gr furuhnetur

  • 1 hvítlauksrif

  • salt

  • pipar

  • 1-2 msk ólífuolía

    
    

Aðferð:

Gerið leyst upp í volgri mjólk, þar til freyðir, olíunni blandað saman við. 12 dl af hveiti, sykur, og salt sett saman í skál. Gerblöndunni hellt ofan í skálina og hnoðað saman. Leyft að lyfta sér í ca 40-60 mínútur.

Pestó - parmesan, basil, furuhnetur, hvítlauksrif, salt, pipar og ólífuolía sett í matvinnsluvél og blandað saman, gott að bæta ólífuolíu og salti eftir smekk og smakka til.

Deigið hnoðað með höndunum ásamt ca 2-3 dl af hveiti og svo skipt í 4 parta. Flatt út með kökukefli í lengju, pestó dreift yfir ásamt rifnum osti og rúllað upp og skorið í snúða. Smá rifnum osti bætt ofan á hvern snúð fyrir sig.

Bakað við 225°C við undir/yfir hita í ca 10 mínútur.

• 

• 

• 

• 

• 

•