Pitsa með perum og gráðosti

Pitsadeig(2 pitsur)

• 280 gr hveiti(4 1/2 dl)

• 1 tsk salt

• 1 tsk sykur

• 2 tsk þurrger

• 2 dl volgt vatn

• 1 1/2 msk olía

Álegg:

• Pera

• Hunang

• Chilliflögur

• Valhnetur

• Gráðostur

• Rifinn ostur

• Vorlaukur

• Sýrður rjómi

Aðferð:

Blandið gerinu út í volgt vatn ásamt olíunni og leyfið að bubbla. Hveiti, salti og sykri blandað saman í skál, hnoðað saman með gerblöndunni. Leyft að lyfta sér í ca 40-50 mínútur. Deiginu skipt í tvennt og flatt út. Peran skorin í þunnar sneiðar og steikt eða bökuð upp úr hunangi. Sýrðum rjóma dreift á botninn, kryddað með chilliflögum. Hunangssteiktu perunni dreift á, hunangi sáldrað yfir, hökkuðum valhnetum og söxuðum vorlauk dreift yfir og því næst osti og gráðosti. Bakað á bökunarpappír á bökunarplötu við 240°C í ca 10-15 mínútur.