Skinkuhorn

• 4 1/2 tsk ger(einn pakki þurrger)

• 1 dl olía/eða brætt smjör

• 5 dl volg mjólk

• 2 msk sykur

• 1 tsk salt

• 15 dl hveiti(3 dl seinna)

  
  

  Fylling:

• Skinkumyrja

Aðferð:

Gerið leyst upp í volgri mjólk, þar til freyðir, olíunni blandað saman við. 12 dl af hveiti, sykur, og salt sett saman í skál. Gerblöndunni hellt ofan í skálina og hnoðað saman. Leyft að lyfta sér í ca 40-60 mínútur. Deigið hnoðað með höndunum ásamt ca 2-3 dl af hveiti og svo skipt í 4 parta. Flatt út með kökukefli í hring, skorið í ca 6-8 “pitsa” sneiðar. 1 msk af skinkumyrju sett inn í og rúllað upp. Penslað með hræru eggi og sáldrað sesamfræjum eða öðrum fræjum ofan á.

Bakað við 225°C við undir/yfir hita í ca 10 mínútur.